 | čálit  | | | |
| | |  |  | | | Imaš guolli maid Anette Uusijärvi darvehii. Priváhtta govva, Mikael Andersson. | | |  | | | | Imaš guolli maid Anette Uusijärvi darvehii. Priváhtta govva, Mikael Andersson. | | |
- Fargga dain leat vaikko juolggit maiddái
- In leat goassige ovdal oaidnán dákkár guoli, lohká Kent Sturk.
Guhkesbearjadat ii šaddan nu movt lei vurdon go golbma ustibat ledje Rávttáseanus guolásteamen.
 Sámiradio, Giron: Per-Josef Idivuoma 16.04.2007 kl. 15:00
Lei guhkesbearjadat Rávttáseanus go Kent Sturk, Mikael Andersson ja Anette Uusijärvi ledje vuolgán guolástit. Anette vuggii darvanii guolli. Anette geasii veháš, ja rudnái ilmmai juoga mas lei rávddu hápmi.
- Maŋŋá go vaskasteimmet muohttaga eret, de oinniimet ahte guolis ii lean justta seamma ivdni go rávddus, muhto viddagat gal ledje rávddu, lohka Kent Sturk.
Nálli lea rievdame
Kent Sturk lea videokámeriin filbmen dán erenoamáš guollefearána Rávttásjávrris, Girona davábeal. Lea kilosas guolli mas lea rávddu hápmi ja njágá ivdni. Njálbmi lea fas dápmoga hápmai, mas vel leat stuora bánit njuokčamis.
- Imaš guolli, guollenálli lea rievdame, lohká Kent Sturk ja joaktá.
- Doppe Rávttásjávrris lea juoga erenoamáš.
Eai duosttan borrat guoli
Kent Sturk muitala guoli leat deatálažžan dutkamii, ja danin eai duosttan borrat dan. Ii lean dušše dutkama dihte eai duosttan borrat guoli.
- Soaitá leat dan Becerella sivva go ruoššat nuoskkidedje áimmu 60-logus. Kent Sturk ii loga leat vejolažžan ahte guolli boahtá muhton eará jávrris dahje eanus, muhto sus lea čilgehus dán erenoamáš guollái.
- Luondu lea rievdame ja mii leat juo ollen 2007 rádjái, fargga leat guliin vaikko juolggit maiddái, lohka Kent Sturk.
|
